Writing samples

Writings from the Siebenbürgische Zeitung ("Transylvanian Newspaper"):

Det sachsesch Riaden net vergesßen

Net vergeßt det sachsesch Riaden,
det sachsech Dinken
uch det sachsesch Biaden.
Dett hu geliëhrt mer vun diën Oolden,
mir sellen et fliëjen uch erholden.
Et äs e Wiërt, wat mir hu bekunn,
mir sellen e Liëwe long holden drun.
Iwerol, wo mir bäsumme sen,
bä em Glas Bär awer em Glas Weng,
selle mir zeräck norr dinken,
wat mir schiun än de Wäch
mät hu bekunn ze schinken.
än asem Harzen droo mir, ir Lekt,
dese Stuulz ze jeder Zekt.
Dinken ä Gedånken drun
uch dunkbor sen fir ängden,
asen Dialekt wekterschinken
ase Kängd'n uch Kängdeskängden.

- Johanna Gadelmaier, Folge 9, 31.05.2006, p. 6

Fuesnicht ä Siweberjen

Fuesnicht - ä Siweberjen en aolt Tradition.
Sä zwång de Wäntjer, und Ondj ze gohn.

De Noberschefte woren ziaständich
für daot Fest, daot siehr åfwändich:

Et word geboacken uch gekoocht,
domat et riecht für en guunz Wooch.

De Rängdstokane, af irschstem Ploatz,
ei, dä schmåckt! Iwrich bliw nemmel für de Koatz.

Fräsch Brüt uch Strätzel word geboacken,
net ze vergeßen de Fuesnicht-Kroappen.

Et fehlt net u Fliesch uch Wurscht.
Der beest Weng gaolt für den Durscht.

Wul em de Mueģe gesangd erhaolden,
zurpt em Pali, womeglich vum aolden.

Et gäng ängdje guunz loastich zia.
Det Dorf kum ze nicher Riah.

Et word gesangen, geduunzt uch geloacht,
jeden Owend, bäs spet än de Nuocht.

Der Gebouer, äm richtije Fuesnichtrousch:
Dess Daj häw hie mät dem Städder net getouscht.
äm Sommer awer, bä Feeldårbet uch Gewädder,
häw garn getouscht hie mät dem Städder!

- Agnetha Feierabend, Folge 2, 31.01.2007, p. 6

Gehonnesblommen

Ir wueßt åf dem Feeld, loinz dem Wiëch,
loinz dem Küren,
ziemolt dat er ich de Sommertruecht un,
jang Meed funden ich blaihn
bai der Quäll, angderm Rien,
sai bunden ech za em Påschen,
se numen ich hiemen
und bunden ich zem Gehonnesdoch
än de Gehonneskruin.

Ken Owend kume Fraen
vum Feeld, mät den Haen,
sai draģen loinz dem Krach
en Gehonnesblommestroiß,
dië stolte s'änt Wasser,
än e granj iërdan Däppen,
sibold woren Huëwisen
äm gunzen Hois.

Et dreht iest en Däppner
en blo Vas åf dem Rad,
ze stohn åf dem schniew ëißen Däschdach
um Sångtich,
drois nieje sich Gehonnesblommen
åf det oold Bach,
sai wällen uch wässen,
wohär är Numme kitt.

- Oswald Kessler, Juni 1977, Folge 9, 15.06.2008, p. 8

For more, check out the book Sachsesch Wält: Mundart-Texte aus der Siebenbürgischen Zeitung (DE, ISBN: 9783980201568) or the website of the Siebenbürgische Zeitung (DE).

External links:

Songs and poetry (DE)